З 2 студзеня 2023 г. у сувязі з уступленнем змяненняў у Закон Рэспублікі Беларусь ад 18 ліпеня 2011 г. № 300-З “Аб зваротах грамадзян і юрыдычных асоб” (у рэд. Закона Рэспублікі Беларусь ад 28.06.2022 № 176-З) змяняецца парадак падачы электронных зваротаў.

Фізічныя і юрыдычныя асобы рэалізуюць права на падачу электронных зваротаў толькі праз дзяржаўную адзіную (інтэграваную) рэспубліканскую інфармацыйную сістэму ўліку і апрацоўкі зваротаў грамадзян і юрыдычных асоб (https://обращения.бел).

У грамадзян, іх прадстаўнікоў або юрыдычных асоб не будуць браць згоду на прадстаўленне звестак аб іх зваротах вышэйстаячым арганізацыям, іншым дзяржорганам і дзяржарганізацыям, калі гэтыя звесткі спатрэбяцца для разгляду зваротаў (абз. 4, 5 п.16 арт. 1 Закона N 176-з).

Электронны зварот пакінуць без разгляду, калі ў ім:

– выкладаецца сутнасць з дапамогай спасылак на інтэрнэт-рэсурсы;

– змяшчаецца нечытэльны тэкст;

— ўжываюцца нецэнзурныя або абразлівыя словы або выразы (абз. 11 п.16 арт. 1 Закона N 176-з).

На электронны зварот дадуць пісьмовы адказ (накіруюць пісьмовае паведамленне), толькі калі пра гэта папросіць заяўнік (абз. 13 п. 16 арт. 1 Закона N 176-з).